Gaaffiiwwan marii

1. Yeroo deebiʼitanii dhalattan maaltu akka taʼe irra deebiʼaa himaa. (Yoo deebiʼitanii hin dhalanne taʼe, Waaqayyo garaa keessan akka jijjiiru barbaadaa; fannoo keessattis dhiifama barbaadaa.)
2. Dhalachuu haaraa keessan dura maal akka turtanii fi sana booda jireenyi keessan maal akka taʼe wal bira qabaa. Garaagarummaa muraasa tarreessaa.
3. Jireenya Kiristaanaa keessatti ayyaana Waaqayyoo barbaaduu keenya itti fufuun, hammam Waaqayyo irratti akka hirkanne beekuu keenya irratti baayʼee hundaaya. Akka Inni hafuuraan nu dhalche irratti xiinxaluudhaan hirkannaan kun jabaachuu dandaʼa. Dhugaa dinqisiisaa kana irratti daqiiqaa 5–10 xiinxalaa.
4. Gara alaatti baʼaa; yeroo muraasaaf bubbee ilaalaa; hojii Hafuurri jireenya keessan keessatti hojjetu irratti xiinxalaa. Bubbeen maal gochaa jira? Akkasuma, Waaqayyo amma karaa Hafuuraatiin jireenya keessan keessatti maal gochaa jira?
5. Deebiʼanii dhalachuun fayyuu wajjin akkamitti walqabata?
6. Kiristaanummaa akka amantii namaatiin uumameetti malee akka waldaa amantootaa Hafuura Qulqulluutiin jiraachifamteetti yeroo hin ilaalle maaltu taʼa? Namni duʼe waldaa duʼe akkamitti akka fakkaatu ibsaa.
7. Amantoonni tokko tokko yeroo Gooftaa beekan sirriitti kan yaadatan, warri kaan immoo kan hin yaadanne maaliif isinitti fakkaata?
8. Fakkeenyi ibiddaa fi bubbee hojii hafuuraa Waaqayyoo isa dhokataa jireenya keessan keessatti hojjetu hubachuuf maaliif nu gargaara?